Seniorinnen 2025-08-12 Turnfahrt Stein am Rhein

Schoo wiider isch es Jahr verbii
und fascht alli Turnerinne sind derbii !
Bii schönstem Sunneschy started mit dem Zug
nach Schaffhuuse, wo mir ganz gmüetlich
dur,s Städtli flaniered!
und tuent däbii ächli Lüüt und Hüüser studiere!
wiider gats zum Schiffsteg abe wo,s eus uf em
Schiff, früendlich dä Kafi und s, Gipfeli tüent serviere!
es agnehms Lüftli weht eus dur d’ Haar
«36 Grad, höchsummerlich warm!
Schiff füehrt eus dur wunderbari Landschafte,
Strandbäder und Campingplätz da gits soviil
z, Rede und z, stuhne, wie chas anders sii,
dänn haltet Schiff zum Mittagässe in Stei am Rhii!
Bii schönster Ussicht gnüessed mir dä feini
Zmittag diräkt am Rhii!
Mit vollem Mage bräched mir uf,
zum verdaue, s, Städtli Stei am Rhii duruf!
en Dessert,hät sicher noo Platz!
äs Chüegeli Glace, das muess sii zum Schluss!
bevor mir gmüetlich laufed uf dä Bus!
Dä Zug bringt eus wiider uf Winterthur hei,
is Rest. Rössli zum Usklang, da simer aber nid älei!
bime chüehle Bier oder Wy, das chunt mir grad gläge,
dä Jacqueline und dä Therese vo allne herzlich
z,danke säge!
äs isch eifach ä soo und bliibt däbii, äs isch eimal mee,
en super schöne Zischtig gsii!!

Marlies Gasser